Albumi që përmbledh disa prej arieve më të mëdha të kënduara prej tij, e prezanton në kohën që ai interpreton në Royal Opera House në Londër, Alfredon e Traviatës në datat 16 janar deri më 6 shkurt. Ai përmes albumit i bën homazh artit që i ka kushtuar karrierën, traditës së tenorit italian. Si një i mbrojtur i tenorit legjendar Luciano Pavaroti, trajnimi i Pirgut në Itali, ka formësuar anën e tij artistike dhe repertorin qē ai ka kënduar në teatro ndërkombëtarë. Il Mio Canto eksploron operat italiane dhe franceze që tenorëve të mëdhenj italianë si Pavaroti. Ky album i ri tregon njē punë të madhe në traditat dhe praktikat e repertorit të tenorit ndërsa sjell te secila arie karakteristikat e tija individuale.
I lindur në Shqipërinë komuniste, Pirgu studioi për violinë deri në moshën 16 vjeçare, kur një mësues i sugjeroi të këndonte, gjë që do i ndryshonte jetën.
Më pas ai studioi në Itali ku e zbuloi Pavaroti që u bë mësuesi dhe mentori i tij.
Në moshën 22 vjeçare doli ne skenën ndêrkombëtare kur Claudio Abbado e zbuloi dhe e mori të këndonte Ferrandon në Così Fan Tutte në Salzburg Festival. Më pas këndoi në La Traviata me Natalie Dessay dhe u ftua nga Plácido Domingo të këndonte nën regjinë e Woody Allen operan Gianni Schicchi në Los Angeles. Prej atëherë ka kënduar në tërë botën dhe punon shpesh me emra të mëdhenj si Riccardo Muti e Mariss Jansons.
Dalja e albumit ndiqet nga një tur i gjerë në Firence, Moskë, Vienë, Berlin, Paris, Tokio dhe New York.
