Hapja e shtëpisë muze të Ismail Kadaresë në Gjirokastër ka nxjerrë ne dritë edhe fotot e tij të fëmijërisë. Ato janë të ekspozuara krahas objekteve të tjera të muzeut të ri që do shërbejë edhe si rezidencë për shkrimtarë. Kryeministri Edi Rama, kreu i parlamentit Ilir Meta, ministrja Mirela Kumbaro, kryebashkiakja e Gjirokastrës Zamira Rami kanë hapur dyert e shtëpisë së shkrimtarit sot. Vetë Kadare është në Paris, ndërsa i pranishëm ka qenë botuesi i tij Bujar Hudhri.
