Disa nga pikat kryesore te diskutimeve te pjesemarresve ne tryezen e zhvilluar sot nga Forumi i Mbrojtjes seTrashegimise Kulturore
Mbi cilësinë e restaurimeve:
• Të fuqizohen organigrama dhe strukturat në institucione për mbikqyrjen e restaurimeve;
• Profesionalizmi i specialistëve dhe mbikqyrësve lë për të dëshiruar;
• Propozohet që Forumi të hartojë një listë me të gjitha ndërhyrjet restauruese që po bëhen aktualisht dhe të publikohen ato që përbëjnë problem.
• Të publikohen strukturat e MK apo IMK dhe institucioneve të tjera përgjegjëse.
Rijetëzimi i monumenteve:
• Legjislacioni përkatës për trashëgimi dhe udhëzimi i ministres vazhdojnë të kenë mangësi. Të kërkohet përsëri nga ministria diskutimi me grupet e interesit i projektligjit të trashëgimisë.
• Rekomandim për nenin 37 duke synuar mbështetjen e rindërtimeve nga vetë institucionet apo përdoruesit e monumenteve duke siguruar kredi nga bankat dhe mbështetjen e interesit të kredisë nga buxheti i MK.
Aksione që mund të ndërmerren:
Kalaja e Lezhës – Çështja e gjyqit të humbur të ministrisë së Kulturës për kalanë e Lezhës, për shkak të mosparaqitjes së avokatit të MK.
Të dërgohet gjithashtu një letër për KLD duke kërkuar hetimin mbi këtë vendim të gjykatësve në dëm të interesit publik.
Plani rregullues i Tiranës – Tryezë me shoqatat e arkitektëve dhe ndërtuesve për planin rregullues të Tiranës.
