Janë imazhe të rralla ose të harruara të Stadiumit “Qemal Stafa” në ndërtim. Bardhezi, me Tiranën e zhveshur nga ndërtimet e sotme marramendëse, ato na kujtojnë si ishim
Është arkitekti Besnik Aliaj që i sjell në vëmendje me shënimin e mëposhtëm që duket të jetë një gisht i drejtuar nga të gjithë:
BJERI O ME TE LUMTE DORA BJERI !
—
Stadiumi historik në Bulevardin e Tiranës:
një elegancë e jashtëzakonshme arkitektonike dhe pjesë esenciale e fondit të trashëgimisë ndërtimtare e sportive në Shqipëri, sot do të shkatërrohet ligjërisht!
– Përse hesht Ministria e Kulturës? Përse hesht Bashkia Tiranë? A kanë ndonjë mendim ose detyrim ligjor?
– Përse hesht Instituti Monumenteve, Këshilli i Restaurimit? Shoqata dhe Unioni Arkitektëve? A kanë diçka për të thënë?
– Po arkitektët dhe studiot shqiptare përse nuk ndihen fare? A kanë ndonjë opinion apo sensibilitet? Apo janë të zënë me projekte?
– Po Shkollat e Arkitekturës dhe Trashëgimisë në Shqipëri ku janë? S’kanë asgjë të mësojnë studentëve?
– Po qeveria Italiane, Ambasada dhe Instituti Italian i Kulturës a kanë diçka për të thënë?
