Forumi për Mbrojtjen e Trashëgiminë ka postuar sot disa fotografi të gjendjes aktuale të Bylisit. Sipas Dorumit, përkundër propagandes së Ministrisë së Kulturës për suksese të papara në fushën e mirëmbajtjes dhe restaurimit të monumenteve të kultures gjendja në realitet paraqitet mjerane. “Po paraqesim në këtë album gjendjen e njërit prej siteve të krenarisë sonë në fushën e trashëgimisë, Bylis, në muajin Prill 2016. Fotot flasin vetë. Po theksojmë edhe se gjatë kohës së kësaj qeverisjeje këtu nuk është vendosur asnjē misti llaç për mirëmbajtje, dhe nuk është lëvizur nga vendi asnjë gur, tull apo çfarëdoqoftë. Zoti e mbroftë trashëgimine tonë se Ministria ka punë të tjera më të rëndësishme”, shkruan Forumi duke ofruar fotot që po postojmë.
