Të dashur miq dhe familjarë,
Ndjehem vërtetë i nderuar për këtë çmim, i pari në karrierën time. I jam falenderues jurisë që, sigurisht, kanë vlerësuar punën time si balerin në këto vite, së bashku me rolin për të cilin jam nominuar.
Meqë ky është çmimi i parë, dëshiroj t’ua dedikoj atyre që më bënë në radhë të parë njeri, pastaj balerin; familjes pra, që më rriti dhe më mbështeti.
Gjithashtu, çmimi i dedikohet edhe familjes time të dytë, Baletit Kombëtar të Kosovës.
Me dashni, S”.
Çmimin për Aktorin Më të Mirë për vitin 2016 e ka marrë balerini Sinan Kajtazi, i cili me rolin kryesor ‘Albert’ në shfaqjen ‘Zhizell’, arriti t’i bindë jurinë se ai është më meritori për këtë çmim.
Çmimet vjetore për teatrin në Kosovë në bazë të rregullores për ndarjen e çmimeve shoqërohen me shpërblim financiar në vlerë prej 2500 euro secila, dhe jepen nga Ministria e Kulturës, Rinisë dhe Sportit, e cila për çdo vit shpall laureatët e çmimeve kryesore në Kosovë.
