Të shumta kanë qenë reagimet pasi artisti, legjenda e rrokut, Bob Dylan mori Nobelin në Letërsi.
Mes shumë emrave të njohur, një ndër ata që ka reaguar ka qenë edhe shkrimtari i njohur Salman Rushdie.
Ai ka vlerësuar Dylan dhe ka përgëzuar zgjedhjen e akademisë suedeze.
“Nga Orfeu tek Faiz, kënga dhe poezia janë kaq të lidhura ngushtësisht me njëra-tjetrën. Dylan është trashëgimtar i shkëlqyer i traditës bardike”,- shkruan Rushdie në Twitter.
Shënim: Në kulturën galike dhe atë britanike, një bard ishte tregimtar profesionist i historive, krijues vargjesh dhe kompozitor, i punësuar nga një pajtor (monark apo fisnik), për të përkujtuar një ose më shumë prej paraardhësve të pajtorit dhe për të lëvduar aktivitetet e tij.Në shoqëritë e tjera indo-europiane, i njëjti funksion është përmbushur nga rapsodët.
