Teatri Kombëtar paraqet listën e veprave të selektuara për “Netët e leximit të dramës shqipe 3”.
Vepra Autori
1.”Eksperimenti” Agush Mulliqi
2.”Duke pritur Gobon” Armando Bora
3.”Tag” Bashkim Hoxha
4.”Ditët e Tiranës” Djana Çuli
5.”Ingranazhi fantastik » Erjon Kame
6.“Na vodhën nënën” Ilir Bezhani
7.”Prostitutat” Leka Bungo
8.”Kandili i Argjendit” Martin Camaj
9.”Pengu” Saimir Gongo
10.”Fisnikët” Ylljet Aliçka
Teatri kombëtar ka edhe një sqarim që duket se i paraprin pakenaqësive.
Veprat e selektuara janë ato tekste që sipas perceptimit të TK-së i shkojnë më shumë për shtat repertorit të institucionit. Kuptohet , Teatri Kombëtar do të donte ti lexonte të gjitha veprat, si një kontribut për zhvillimin e dramës shqipe, por duke patur parasysh infrastrukturën e institucionit nuk e ka të mundur. Gjithsesi , TK fton të gjithë autorët dhe regjisorët e teksteve që nuk janë në listën e mësipërme, të bëhen pjesë e “Netët e leximit të dramës shqipe 3”, duke i vënë në dispozicion ambjetet e punës dhe datën e leximit.
Në këtë rast autorët dhe regjisorët duhet të marrin përsipër krijimin e stafit artistik në mënyrë vullnetare(aktorë të jashtëm), sepse institucioni me aktorët që disponon nuk mund të përballojë më shumë. Edhe këto tekste në përfundim të “Netët e leximit të dramës shqipe 3” do të shqyrtohen nga Bordi Artistik njësoj me veprat e selektuara nga TK, duke shmangur kështu çdo lloj paragjykimi.
