Federata Shqiptare e Aeronautikës nderoi dje pasdite në një mbrëmje Gala, Xhonatan Islamin me titulli “Sportisti i Vitit 2017”.
Në këtë ceremoni merrnin pjesë Ministrja e Arsimit, Rinise dhe Sportit, Lindita Nikolli, Presidenti i Komitetit Olimpik Kombetar Shqiptar, Viron Bezhani, Presidenti i FSHAir, Renis Tershana, Drejtori i Autoriteti i Aviacionit Civil , Krislen Keri, etj
Në aktivitetin e zhvillua në ambientet e Ministrisë së Kulturës, Kumbaro tha se “gjithçka është më shumë se një garë, është stil”.
“Sporti dhe Arti kanë shumë të përbashkëta. Qëllimi më i rëndësishëm është arritja e rezultatit më të mirë të mundshëm. Të dyja orientohen nga qëllimi për sukses Artisti dhe sportisti kanë si synim për të fituar Garën, garën skenike, ose garën sportive”- u shpreh në fjalën e saj Ministrja Mirela Kumbaro .
Ministria e Kulturës do të vazhdojë të mbështesë FSHAir dhe aktivitetet sportive, turistike dhe kulturore, duke besuar që edhe këtë vit do të jetë pjesë e pandashme e rrugëtimit së bashku për promovimin e vlerave kulturore të vendit tonë.
