Artisti italian, Albano Carrisi ditën e shtunë do te mbajë një koncert për fansat e tij në kryeqytet, në Pallatin e Kongreseve. Koncerti i Albanos ishte lajmëruar se do të mbahej në sheshin ‘Nënë Tereza’, por për shkak të paqëndrueshmërisë së motit do të zhvillohet brenda, në Pallatin e Kongreseve.
Koncerti jepet për nder të Shenjtërimit të Nënë Terezës, krenarisë sonë kombëtare.
Artisti mbërrin në Tiranë mëngjesin e kësaj të premteje (16 shtator), në Rinas në orën 9:00. Ndërsa në orën 12:00 ai do të pritet nga kryebashkiaku i Tiranës, Erjon Veliaj.
