Diva e muzikës klasike shqiptare, soprano me famë botërore, Inva Mula do të performojë në Town Hall NYC. Në këtë koncert marrin pjesë pianisti virtuoz Genc Tukiçi dhe dirigjenti Bujar Lapaj. Të ftuar në këtë koncert do të jenë edhe soprano Dëshira Ameti Krliu, baritoni Kreshnik Zhabjaku, tenori Riad R. Ymeri.
Me 26 mars do të bashkohen orkestrimet e pianistit virtuoz Genc Tukiçi dhe zëri i të famshmes Inva Mula.
Një koncert në Town Hall në New York të Amerikës, i cili realizohet me orkestrimet e Genc Tukiçit, mbi krijimet më të bukura patriotike shqiptare.
Koncerti do të drejtohet nga dirigjenti i shquar Bujar Llapaj, bashkë me Orkestrën Simfonike të New York-ut.
Koncerti është ndërtuar mbi krijimet e albumit të sopranos Inva Mula, me titull “Për ty Atdhe”, ku përmblidhen perlat e muzikës shqiptare dhe jaret shkodrane.
