Yehuda Amichai
“S’di nëse historia përsërit vetveten
por jam i bindur se ti aspak.
Më kujtohet kur qyteti ishte i përçarë
jo vetëm mes arabëve dhe çifutëve
por dhe mes meje e teje.
N’atë kohë ne ishim bashkë.
U shndëruam në një bark që pjell veç kanosje
i ngritëm vetes një strehë mortore
si njerëzit e veriut të thellë
që vetes i ngrenë një strehë të butë me ngricë mortore.
Mandej qyteti u puq
por ne nuk vajtëm atje bashkë,
ndërsa tani unë e di
që historia s’e përsërit vetveten
siç përherë kam ditur se as ti”.
Shqipërimi nga anglishtja– Edon Qesari
