Nga Albina Gjergji
M’len me t’dashtë
edhe pa të pasë
Edhe pa kénë bashkë
m’lén t’thashë!
Nuk gaboj kur them do t’vij
e se do iki pa ba zhurmë!
M’len veç pak me ta puthë synin
E do t’zhdukem nëpër turmë!
T’dashurumt s’do i çoj prej gjumit
edhe ata dun me gabu.
Mkatnorët e natës puthen ngutshëm
kur vjen orari me u largu.
M’len me t’dashtë pash hatrin e Zotit
Njashtu siç di, apo si t’mundem
Në mos dëgjofsha rrahje zemre
do t’di vetë sesi t’shkëputem.
Pa ba za do ec majë gishtash
prej gjumit betohem s’kam me t’çu
M’len veç sonte me t’dashtë pastër
Se n’ag t’ditës do të jesh pa mu…
