Në një status në Facebook, rokeri i njohur Elton Deda shkruan se artistët e rinj nuk duhet të mendojnë për famën e çastit, por duhet të kuptojnë se muzika është një art tepër serioz dhe i vështirë.
Vetëm duke e parë si të tillë, artistët nuk do të jenë thjesht muaji i një stine, por dekada e vite.
“Nëse nuk shkolloheni muzikalisht, nëse nuk edukoheni muzikalisht, nëse kërkoni famë të shpejtë dhe të pa merituar, do jeni vetëm një stinë dhe jo dekada vitesh.
Nëse nuk kuptoni që muzika nuk është argëtim plebejsh por një art tepër serioz dhe i vështirë, nuk do ta gjeni kurrë pozicionin hapësinor të muzikantit dhe do jeni të dënuar të dyshoni në çdo sekondë të jetës aty ku vret më shume ndërgjegjja…”çfarë jam unë”!
Të paktën kështu e kuptoj unë. Mos e merrni si këshillë por si sugjerim”, ka shkruan Deda.
