1. Mbretëria e inkave në Amerikën Jugore
Mbretëria e inkave ka lulëzuar në periudhën midis viteve 1200 dhe 1535 të erës së re. Inkat kanë ndërtuar sistem të zhvilluar të kanaleve për ujitje të të mbjellave të tyre, si edhe qytetin e gurtë në majë të malit të rrëpirët Maçu Pikçu. Është interesante që inkat e kanë ndërtuar qytetin në kohën kur nuk është ditur për rrotën!
2. Piramidat e Gizës, Egjipt
Piramida e Kefrenit dhe ajo e Keopsit janë dy nga tri piramidat e lashta në Gizë të Egjiptit. Piramida e Keopsit është më e madhja. Është ndërtuar me më shumë se 2 milionë blloqe gurësh, nga të cilët disa janë të rëndë edhe deri në 9 tonelata. Piramidat janë ndërtuar si varreza hyjnore dhe janë të ndërtuara 2.550 vjet para erës sonë.
3. Tempulli Maja
Gjykuar sipas kalendarit të lashtë të popullit maja, dhjetori i vitit 2012 është shënuar si fundi i botës. Ky informacion tashmë një kohë të gjatë u krijon lajthitje arkeologëve. Disa besojnë që majat kanë ditur për apokalipsin dhe që do të ndodhë në dhjetor të vitit 2012, ndërkaq të tjerët thonë kjo është një lajthitje matematikore.
4. Legjenda mbi El Doradon
Kjo legjendë rrjedh nga fisi Muisk, i cili ka jetuar në territorin e Kolumbisë së sotme në periudhën nga viti 1000 deri në vitin 1538. Në ceremonitë për zotat e tyre, kryetari i fisit është mbuluar me pluhur ari dhe është hedhur në liqen për ta viktimizuar veten. Kështu ka lindur legjenda mbi qytetin e arit, gjë që i ka nxitur konkistadorët spanjollë të vraponin deri në vdekje në kërkim të tij.
5. Ishulli i Pashkëve
Ky ishull gjithashtu i njohur edhe si Rapa Nui, është shumë i izoluar dhe 2.000 milje nga bregdeti i Tahitit. Ardhacakët e parë në këtë ishull kanë qenë polinezianët, të cilët janë ngulitur aty midis viteve 400 dhe 600 para erës sonë. Ata kanë ndërtuar shumë tempuj dhe statuja, të cilat i kanë quajtur Moai. Nuk dihet se si kanë mundur të transportonin ata gurë aq të mëdhenj për ndërtimin e objekteve të tilla.
