Vija e bregdetit shqiptar është ndër më të bukura dhe unike në rajonin e Ballkanit Perëndimor. Infrastruktura e tij u zhvillua vetëm gjatë viteve të fundit, ndërsa plazhet dikur të virgjëra tani kanë kaluar në një zhvillim shumë të shpejtë dhe të pakontrolluar.
Peizazhet e mrekullueshëm tani janë duke u ndotur seriozisht nga turistë të papërgjegjshëm, të cilët nuk e respektojnë këtë mjedis të bukur dhe të virgjër.
Me përfundimin e sezonit të verës, Ecovolis organizoi “Blue School”, Akademia e parë e Aktivistëve të Mjedisit në Shqipëri. 200 studentë të rinj dhe të motivuar shqiptarë u mblodhën në kampin e Jalës dhe organizuan një pastrim masiv të plazheve. Vetëm në dy ditë, ata arritën të pastrojnë më shumë se 3 ton mbeturina në gjirin e Gjipesë dhe plazhet e Jalës, si dhe nxorrën pothuajse 1 ton mbeturina nënujore. Pastrimi nënujor u udhëhoq nga Ened Mato, themeluesi i Ecovolis, gjithashtu i një zhytës i njohur dhe aktivist i mbrojtjes së mjedisit.
Aksioni do të vazhdojë edhe në plazhet e tjera, ndërkohë që operacionet e vitit të ardhshëm do të përhapen përgjatë gjithë bregdetit shqiptar, para fillimit të sezonit veror 2017.
