Dy majmunë janë bërë të parët që janë klonuar duke përdorur teknikën e cila krijoi delen e famshme Dolly.
Kjo teknikë sjell edhe më afër mundësinë e klonimit të qenieve njerëzore.
Por shkencëtarët paralajmërojnë se nuk mund të ketë arsye të mira për të krijuar klone të tilla, dhe se çështjet etike dhe ligjore duhet të marrin përgjigje për një hulumtim të tillë.
Dy majmunët identikë, të quajtur Zhong Zhong dhe Hua Hua, u lindën tetë dhe gjashtë javë më parë në një laborator në Kinë.
Teknika do t’ua mundësojë hulumtuesve që të krijojnë laboratorë të plotë të majmunëve gjenetikisht identikë.
Kjo mund të jetë shumë e dobishme në kërkimet shkencore dhe mjekësore duke i lejuar mjekët të shohin se si trajtimet specifike ndikojnë në përbërjen gjenetike të kafshëve që përndryshe janë saktësisht të njëjta.
Ata përfaqësojnë shtrirjen më të largët të teknologjisë së klonimit, që i ngjajnë njëri-tjetrit tërësisht në mënyrë gjenetike.
Ata s’janë të parët që janë klonuar, por janë të parët që prodhohen duke përdorur teknikën e transferimit bërthamor të qelizave të vetme, që përfshin transferimin e ADN-së së bërthamës qelizore në një qelizë vezësh të dhuruara, e cila më pas nxitet të zhvillohet në një embrion – diçka e ngjashme ishte përdorur edhe në delen Dolly.
Shkencëtarët thonë se popullatat e majmunëve që janë gjenetikisht identikë do të jenë të dobishëm për hulumtimin e sëmundjeve njerëzore. Por kritikët thonë se puna ngre shqetësime etike duke sjellë botën më afër klonimit njerëzor.
Dy majmunët ishin pjesë e një total prej 79 përpjekjesh të ndryshme transferimi, të cilat përdorën teknika të ndryshme.
Shkencëtarët kishin disa klon majmunë duke përdorur qelizat e të rriturve, por për fat ata ishin në gjendje të mbijetonin vetëm për disa ditë.
Qiang Sun i Akademisë kineze të Shkencave tha se majmunët e klonuar do të jenë të dobishëm si një model për studimin e sëmundjeve me bazë gjenetike, duke përfshirë disa kancere, çrregullime metabolike dhe imune.
“Ka shumë pyetje në lidhje me biologjinë e primatit që mund të studiohet duke pasur këtë model shtesë,” tha ai.
Studiuesit thonë se majmunët po rriten normalisht.
Ata presin që më shumë klone lindin gjatë muajve të ardhshëm.
Prof Robin Lovell-Badge i Institutit Francis Crick, Londër, tha se teknika e përdorur për të klonuar Zhong Zhong dhe Hua Hua mbetet “një procedurë shumë e paefektshme dhe e rrezikshme”.
“Puna në këtë punim nuk është një hap për të vendosur metoda për marrjen e kloneve të lindura njerëzore,” tha ai.
Prof Darren Griffin i Universitetit të Kent thotë se qasja mund të jetë e dobishme në kuptimin e sëmundjeve njerëzore, por ka ngritur shqetësime etike.
Shkencëtarët do të mbajnë nënvëzhgim Zhong Zhong dhe Hua Hua, të cilët tani duket se po rriten dhe zhvillohen normalisht si majmunë. Ata presin që më shumë klonime të lindin në muajt e ardhshëm.(TemA TV)
