Blogu i njohur për promovimin e turizmit “Trekeffect”, këtë radhë në një shkrim të tij ka zgjedhur të prezantojë Shqipërinë, si një ndër 23 vendet e botës të cilat duhen vizituar të paktën një herë në jetë.
“Bëni një udhëtim në Shqipëri, një nga vendet më të nënvlerësuara për të vizituar në Evropë, para se pjesa tjetër e globit të kuptojë se çfarë ka humbur”, thuhet në shkrimin e publikuar në fillim të muajit shtator nga ky blog.
“Pyeni se ku mund të shkonï tjetër? Dëshironi të dini se cilat vende janë më të mirat për pushimet tuaja të ardhshme? Ne nuk mund të planifikojnë udhëtimin tuaj, por ne me siguri mund të ju ndihmojmë të ngushtoni listën tuaj të destinacioneve të udhëtimit përmes sygjerimeve tona. Zgjidh një destinacion dhe filloni paketimin e çantave tuaja!”, sygjeron Trekeffect.
Ndërsa fqinjët e saj Kroacia dhe Greqia janë vendosur mjaft në radar turistik, Shqipëria, theksohet nga Trekeffect, mbetet disi një mister për shumicën e udhëtarëve. “Por, ata që eksplorojnë do të gjejnë në faqet e Trashëgimisë Botërore të UNESCO-s, qytetin e lashtë grek të Butrintit. Për më tepër, Shqipëria krenohet me liqene të mrekullueshëm malore, plazhet e pacënuar, arkitekturën osmane dhe mikpritjen e njerëzve që me kënaqësi do të ju tregojnë rrugën, kur ju të keni nevojë. Bëni një udhëtim në Shqipëri, një nga vendet më të nënvlerësuara për të vizituar në Evropë, para se pjesa tjetër e globit të kuptojë se çfarë ka humbur”, thuhet më tej.
Ndër vendet e tjera që blogu u sugjeron ndjekësve të tij për tu vizituar janë Italia, India, Nepali, Japonia, MAroku, Spanja, Zelanda e Re,Kenia, Portugalia, Tajlanda, Columbia, Hollanda/ATA
