Ekspoze me dokumente origjinale arkivore mbi aktivitetin diplomatik të Rauf Ficos (1881–1944)
Në vazhdim të punës për të evidentuar dhe bërë të njohura vlerat më të mira atdhetare, profesionale dhe intelektuale të personaliteteve të ndryshme që lanë gjurmë në historinë e diplomacisë shqiptare, si dhe në kuadër të Ceremonisë së Betimit të diplomatëve të rinj, “Promocioni 2016”, Drejtoria e Arkivit Historik dhe Dokumentacionit në Ministrinë e Jashtme, organizoi një ekspoze me dokumente origjinale arkivore mbi aktivitetin diplomatik të Rauf Ficos (1881–1944), personalitet i rëndësishëm shtetëror, parlamentar dhe një nga diplomatët më të shquar shqiptar.
