Ministria e Kulturës së Shqipërisë në kuadër të një bashkëpunimi intensiv me Fondacionin “Pistoletto” (Biella, Itali), institucionalizon dhe mundëson për herë të parë të drejtën e pjesëmarrjes së artistive të rinj shqiptarë në Programin Rezidencial Ndërkombëtar “Cittadellearte” Torino Itali, i cili do të zhvillohet në datat 10-21 tetor 2016.
Ky program, vjen në sajë edhe konkretizimit të Protokollit të Mirëkuptimit mes Ministrisë së Kulturës dhe Bashkisë së Torinos për bashkëpunimin dypalësh në fushat e artit dhe kulturës nënshkruar në datën 11 dhjetor 2015.
Ministria e Kulturës, do të ofrojë dy bursa studimi që përfshijnë shpenzimet e plota të qëndrimit dyjavor rezidencial të artistëvë shqiptarë, përfshirë edhe shpenzimet e udhëtimit ndërkombëtar.
Artistët që do të përzgjidhen nga një komision profesionistësh në UNIDEE-“Universita delle Idee” të Italisë, nëpërmjet modulesh disa ditore të hapura për artistët, kuratorët dhe studentët ndërkombëtarë që do të banojnë në “Qytetin e Artit”, do të marrin njohuri dhe dije nga partnerë akademikë dhe një sërë artistësh ndërkombëtarë.
Programi rezidencial për periudhën 10-21 tetor 2016 do të zhvillohet në dy hapësira kulturore: “Cittadellearte” në Biella të Italisë, themeluar nga Michelangelo Pistoletto në vitin 1998 dhe Rezidencën “Art House” në qytetin e Shkodrës, Shqipëri, krijuar nga artisti Adrian Paci në vitin 2015.
Koha e zhvillimit dhe shpalljes së fituesit të Konkursit:
Shpallja e Konkursit datë 15.07.2016
Data e fundit e aplikimeve 25.07.2016
Periudha e shpalljes së fituesve: 15 Shtator
Kushtet e pjesëmarrjes në Konkurs:
- Në konkurs kanë të drejtë të marrin pjesë artistë të rinj në fushën e arteve pamore nga mosha 23 – 30 vjeç.
- Kandidatët aplikues është e kushtëzuar të dinë të flasin dhe të shkruajnë Anglisht/Italisht.
Artisti pjesëmarrës në konkurs duhet të aplikojë duke dërguar dokumentacionin online në adresat zyrtare elektronike të Ministrisë së Kulturës: projekte@kultura.gov.al; alfred.nini@kultura.gov.al;
Për detaje të tjera se çfarë duhet të bëni, informacionin e plotë e gjeni në faqen e Ministrisë së Kulturës, në këtë link:
http://www.kultura.gov.al/al/newsroom/njoftime/shpallje-konkursi-per-perzgjedhjen-e-dy-artisteve-te-rinj-shqiptare-qe-do-te-jene-pjese-e-programit-rezidencial-nderkombetar-cittadellearte-torino-itali&page=1?platform=hootsuite
