Albina Gjergji
Lumturia jeme
S’ka zgjatë kurrë shumë !
Maksimumi helikash ka fluturue
Nën nji qiell .
Mbi re .
Djathtas diell .
E ndër pranga Ne…
Që numërojmë
Rrotullimet e mullinit
Të kohës .
Tue na shtrydhë
E vullnetesh ndrydhë…
Ncuk !
Jo !
S’u druhem
Turbulencave të Qiellit.
As Reve që vetullash nxihen
Në vizatimet me laps.
As Diellit s’kam se si…
Se bash Ai në mue
Skalitë ka shpirtin që ringrihet
Përmbî .
E pra !
Mue Zoti
Mund të mos ma dhurojë
Lumturinë e plotë
Sikurse juve
Por Diejt’ e Qiejtë
Bekue m’kanë
Me aftësinë me dashtë
Edhe pa e pasë…
