Kreu i Shtetit, Bujar Nishani çmoi gjatë një ceremonie të veçantë të zhvilluar në mjediset e Institucionit të Presidentit bartësit e polifonisë labe.
Në praninë e Kryetarit të Kontrollit të Lartë të Shtetit,BujarLeskaj, Kryegjyshit Botëror të Bektashinjve, Baba Edmond Brahimaj, autoriteteve vendore si dhe anëtarëve të grupeve polifonike të rrethit të Vlorës, Presidenti Nishani vlerësoi Kristo Çipën me Titullin “Naim Frashëri” me motivacionin: “Si një organizator i palodhur i grupeve tradicionale të bregdetit të Himarës. Krijues i suksesshëm dhe interpretues i veçantë, mbrujtur në djepin e këngës piluriote”.117
Krijimtaria e Kristo Çipës në fushën e artit është krakasuar si një “këngë e re” të cilës nuk mund ti përcaktoshë dotë as lindjen dhe vdekjen pasi është e përjetshme. Ajo mbart një botë të thellë poetike, ku shpalos botëpërjetime dhe ndijime të ngrohta, shpërthyese.
Çipa ka qenë drejtuesi artistik i grupit të “Bregut të Himarës” , i cili është një grup polifonik që pason traditën e grupeve të tjera më të vjetra të Himarës, Pilurit, Dhërmiut, Vunoit etj. Ky grup ka debutuar për herë të parë në Festivalin Folklorik të Gjirokastrës, në vitin 2004.312
Nën drejtimin e Kristo Çipës, grupi i “Bregut të Himarës” ka fituar çmime në festivale të ndryshme si: çmimi “Kënga më e bukur për 100-vjetorin e pavarësisë”, çmimin e parë në Kamëz në vitin 013 në “Takimin Kombëtar të iso-polifonisë”, “Bylis polifoni 2008”, “Iso Polifoni”, Vlorë 2008, Berat 2008, Rapshtë 2009, etj. Grupi është nderuar gjithashtu me titullin e “Mirënjohja e Labërisë”.
Më pas, Kristo Çipa mori nën drejtim grupin “ Bejkë e Bardhë Pilur” , grup i cili është cilësuar nga shumë autorë e muzikolgë, si një nga perlat iso-polifonisë shqiptare.
Kjo polifoni nuk është vetmja në vargun e perlave, por qëndron e veçantë se ka disa specifika me krijimin e zërit të tretë, me krijimin e kantilitetit, dëgjueshmërinë, etj.
Sakaq, Kristo Çipa është dekoruar me titullin “Personalitet i Shquar i Labërisë”, po ashtu është dekoruar edhe nga shoqata Ismail Qemali me titulin “Personalitet i Kulturës Mbarëkombëtare”
