“How to Be Single” dhe “Deadpool” janë dy premierat botërore që shfaqen në kinema Millennium në prag të Shën Valentinit. Projeksionet shqiptare të këtyre dy filmave fillojnë më 11 shkurt vetëm një ditë para se ato të shfaqen për publikun amerikan.
Filmi “How to Be Single” është drejtuar nga Christian Ditter bazuar në skenarin e shkruar nga Abby Kohn dhe Marc Silverstein, përshtatur nga romani me të njëjtin titull të shkrimtarit Liz Tuccillo. Një ndër producentet e këtij filmi është aktorja Drew Barrymore e cila ka angazhuar në kast aktoret Dakota Johnson e njohur për interpretimin e saj tek “Fifty shades of Grey”, 0, Rebel Wilson, Alison Brie dhe Leslie Mann. Në qendër të historis është Julie Jenson një beqare njujorkeze që punon pranë një shtëpie botuese. Pas një nate katastrofale me katër mikeshat e saj, Julie fillon të bëjë disa pyetje. Përse është tridhjetë e tetë vjec dhe akoma nuk është martuar? Gruaja vendos që të braktisë gjithcka dhe të fillojë një udhëtim të gjatë nga Parisi në Brazil, duke kaluar në Sidnej, Bali, Pekin, Mumbai e Rekjavik e duke vizituar vende të ndryshme synon të zbulojë nëse ekziston një vend ku beqarët jetojnë më së miri statusin e tyre në krahasim me amerkanet. Ndërsa Julie shkon në të gjithë cepat e botës, mikeshat e saj vazhdojnë që të koleksionojnë aventura pa fund të lumtur. Të gjitha do të zbulojnë në fund se në dashuri nuk ka rregulla. Komedia ka një pritshmëri mjaft të mirë përsa i përket arkëtimeve. por edhe vlerësimeve të kritikës.
“Deadpool” është premiera e dytë që fillon të shfaqet në Kinema Millennium prej datës 11 shkurt, një prodhim amerikan mbi një superhero që buron nga karakteri me të njëjtin emër të Marvel Comics. Filmi është drejtuar nga Tim Miller, në skenarin e Rhett Reese dhe Paul Wernick, Aktorët kryesorë janë Ryan Reynolds, Morena Baccarin, Ed Skrein, T. J. Miller, Gina Carano, Brianna Hildebrand, Stefan Kapičić dhe Leslie Uggams. Në film tregohet historia e Wade Wilson i cili pasi i nënshtrohet një eksperimenti fiton aftësi të reja të cilat i vë në përdorim për të ndëshkuar njeriun që gati shkatërroi jetën e tij. Gjithashtu kritika ka dhënë vlerësime mjaft pozitive për këtë “Deadpool” si një nga filmat më argëtues të sezonit. Ai tregon historinë e një ish –punonjësi të forcave speciale që i nënshtrohet një eksperimenti i cili i jep atij disa fuqi të pazakonta.
