Kantautori i njohur shqiptar, Francesk Radi është shturar në spital në gjendje të rëndë mëngjesin e sotëm. Nga mjekët e QSUT mësohet se ai ka pësuar një hemorgji masive të trurit.
Një dëshmitar ka thënë për JOQ, se ai ka shkuar në spital me urgjencë rreth orës 03:30 të mëngjesit të sotëm, i shoqëruar nga bashkëshortja e tij, Tefta Radi, mbesa, Rozana dhe shumë të tjerë.
“Për fat të keq mjekët nuk jepnin shumë shpresa”, tregon ai.
Ai ka dëgjuar edhe bisedën mes Teftës dhe një të afërmes së tyre.
“Ajo tha se ai ishte shumë mirë. Po flinim dhe Franko, (kështu e quante ajo) kishte filluar të gërhiste shumë, duke e shoqëruar gërhitjen me kollë. Tha pastaj që u zgjua dhe gërhitja nuk i pushonte”, tregon dëshmitari për rrëfimin e Teftës.
“Mjekët i thanë që është hemoragji cerebrale. I kanë vënë një tub ne fyt se s’merr dot frymë vetë. Dëgjova edhe Teftën që ju thoshte njerëzve duke qarë në telefon “ejani ju lutem, Franko po mbaron”, thotë ndër të tjera ai.
