Vetëm dy për qind e popullatës lindë me flokët natyrale me ngjyrë të kuqe, ndërsa kohëve të fundit shumica ngjyrën e kuqe të flokëve, e quajnë si ngjyrën më të popullarizuar dhe më seksi. Dhe në Hollivud ngjyra e kuqe është bërë ndër më të preferuarat, ndërsa gjithnjë e më shumi kemi bukuroshe të cilat pamjen e tyre seksi e potencojnë pikërisht me këtë ngjyrë. Në mesin e tyre janë edhe aktoret Julianne Moore, Emma Stone, Bryce Dallas Howard, Christina Hendricks, Amy Adams, Marcia Cross, etj.
Bryce Dallas Howard
Kjo bukuroshe me flokë të zjarrtë, ka fituar shumë fansa me paraqitjen e saj në sagën me vampirë “Twilight” dhe pikërisht flokët e saj të kuqe, kanë qenë shenja dalluese. Kur paraqitet në qilimin e kuq, ajo shndërrohet në njërën nga bukuroshet më të preferuara për paparacët.
Christina Hendricks
Përveç që lavdërohet për gjinjtë e saj impozant, pas të cilëve çmenden të gjithë meshkujt, Christina e ka edhe një armë tjetër të fuqishme, e kjo është ngjyra e flokëve të saj, të cilat ajo shpesh i kombinon edhe me fustane me po këtë ngjyrë, çka bëjnë që ajo të duket mrekullueshëm.
Amy Adams
Aktorja e re ka eksperimentuar shpesh me ngjyrën e flokëve të saj, por në fund e kuptuar se është pikërisht ngjyra e kuqe, ajo që e tregon bukurinë e saj në nivelin më të lartë. Kjo ka bërë që ajo të jetë tejet e kërkuar edhe për reklama të shumta, sidomos të produkteve kozmetike dhe këto i sjellin mjaft para.
Emma Stone
Emma ka qenë e njohur për flokët e saj bionde, por viteve të fundit kjo ka ndryshuar, pasi ajo është bërë një flokëkuqe e vërtetë dhe këtë gjë mundohet ta nxjerr sa më shumë në pah, përmes kombinimit të kreacioneve të ndryshme.
Julianne Moore
Aktorja Julianne Moore duket se po i qëndron besnike modelit dhe ngjyrës së saj të flokëve. Ajo nuk ka eksperimentuar shumë me ngjyrën e flokëve e duket se ka gjetur rehat me këtë gjë, që në fakt duhet thënë qëi i jep hijeshinë e një dive të vërtetë.
