Gjimnastja olimpike McKayla Maroney ka paditur Komitetin Olimpik të Shteteve të Bashkuara (USOC) dhe US Gymnastics pas përdhunimit nga mjeku i ekipit.
Fituesja e medaljes së artë pretendon se zyrtarët në USOC e kanë detyruar të nënshkruajë një marrëveshje konfidencialiteti, pasi u mësua se ishte përdhunuar nga doktor Larry Nassar në moshën 15-vjeçare.
Ajo pretendon se USOC u përpoq ta detyronte që ta mbante të fshehtë. Një zëdhënës theksoi se komiteti nuk ishte në dijeni për marrëveshje konfidencialiteti që ishte nënshkruar.
Në një letër drejtuar gjyqtarit nëna e McKayla, Erin tregoi se vajza e saj ka mendime vetëvrasëse dhe mendon që t’i japë fund jetës , shkruan ora news.
“Kjo përvojë e ka shkatërruar McKayla. Ajo është shndërruar nga një atlete pozitive, e dashur, e klasit botëror në një të rritur, e cila është e dëshpëruar dhe mendon të vrasë veten. Ndonjëherë kisha frikë të hapja derën së saj të gjumit dhe mos e gjeja të vdekur.”
Erin tregoi edhe sesi e kishte përdhunuar mjeku i ekipit vajzën e saj.
“Nassar e drogoi atë, e shtriu lakuriq në një tavolinë trajnimi dhe e përdhunoi. Ishte vetëm 15-vjeç. Ajo më tha: Nënë mendova se do të vdisja.”
22-vjeçarja publikoi një deklaratë në Twitter muajin e kaluar duke pohuar se ajo ishte keqtrajtuar për shtatë vjet, duke përfshirë edhe një ditë përpara se të fitonte medaljen e artë në Londër 2012.
