Njëri ndër prodhimet më të suksesshme amerikane të televizionit HBO – “Game of Thrones” që pjesërisht filmohet në Irlandën Veriore, nuk do të ketë pengesa në realizim si pasojë e referendumit britanik për të dal nga Bashkimi Evropian.
Kështu ka njoftuar rrjeti televiziv amerikan i cili e prodhon serialin e famshëm, pas spekulimeve se “Game of Thrones” do të humbasë fondet e BE-së.
Mediat amerikane dhe ato britanike kanë spekuluar se ky serial do të mund të humbas fondet që i merr nga Fondi Evropian për Zhvillim Rajonal, një fond ky që ka për qëllim rritjen ekonomike të vendeve anëtare të BE-së, transmeton kp.
Britanikët kanë votuar të enjten për tu larguar nga BE, një vendim që ekonomistët dhe liderët politikë thonë se hedh dyshime mbi rritjet ekonomike, jo vetëm në Britani.
