Forumi i Trashëgimisë ka bërë sot një propozim që pritet të ngrejë debat në këtë fushë. Ai ka kërkuar bllokimin për periudhë pesëvjeccare të restaurimeve, pasi sipas Forumit ato po bëhen gjithnjë e më të dëmshme.
Ja postimi i plotë i Forumit: Po shkon puna për të vendosur një moratorium mbi restaurimet. Pesë vjet të ndalohen ato dhe të bëhen vetem konsilidime, pasi nuk zotërohen as elementët më fillestarë të njohjes së restaurimit – i cili për hir të së vërtetës është shumë herë më i komplikuar nga ndërtimi.
Instituti i Monumenteve, që po përjeton një bjerrje të forte të komponentëve të tij teknikë (se për shkencë ka kohë që nuk bëhet fjalë), duhet shpërndarë deri në një riformulim të ri tij me drejtim dhe kuadër të aftë.
I rëndë mbetet fakti se asnjë reflektim nuk është bërë deri më sot në Ministrinë e Kulturës për këtë problem themelor.
(Në foto: ndërhyrje të gabuara në trajtimin e fasadave të shtëpive monumentale në Dardhë të Korçës)
