Kryeministri Edi Rama ka zgjedhur një vend të veçantë për të kaluar fundjavën. Prej atje tregon dashurinë e veçantë për Tamarën dhe imazhet magjepëse nga Veriu i Shqipërisë.
“Mrekullia natyrore e Tamarës, deri dje dëshmi rrënqethëse e braktisjes dhe e rrënimit të shkaktuar nga paaftësia qeverisëse, sot ka rilindur si një nga perlat natyrore të Veriut të Shqipërisë, falë programit kombëtar të Rilindjes Urbane. E kthyer në një destinacion turistik, ku ndalen përditë udhëtarë të shumtë që shijojnë mrekullinë e natyrës dhe mikpritjen e familjeve malësore, Tamara është sot një vend me shpresë e punësim familjar në rritje”, shkruan kryeministri në Facebook, ku ka postuar foto magjepsëse të zonës e në një prej tyre ai shfaqet me lahutë në dorë .
