Festivali 13 –të Ndërkombëtar “Albamono” do të zhvillohet në datat 26 maj – 1 qershor 2016 nq Korçë, Maliq, Dardhë, Voskopojë. Në edicionin e këtij viti do të marrin pjesë trupa teatrore nga shumë vënde të ndryshme si : Franca, Serbia, Shqipëria, Polonia, Maqedonia. Përveç shfaqjeve teatrore do të zhvillohen edhe aktivitete të tjera kulturore si: Koncert me këngë dhe valle tradicionale me artistë të rajonit Korçë, si dhe vizita nëpër monumente të trashëgimisë kulturore.
Festivali i Monodramës si gjini e veçantë, në dramaturgji në lojën e aktorit, si edhe në mënyrën e lëvizjes dhe vendeve ku zhvillohen këto shfaqje, tashmë është provuar se mund të krijojë një komunikim të ngrohtë, të afërt e të drejtpërdrejtë midis trupave të huaja dhe komunitetit vendas e më gjerë. Zhvilluar në monumentet e kulturës si dhe në ambientet turistike si Korça, Voskopoja, Dardha, Maliqi, ky festival jep një kontribut të drejtpërdrejtë në promovimin e turizmit kulturor duke e kthyer këtë ngjarje ndërkombëtarë një ngjarje të rëndësishme kulturore – turistike për vetë rajonin e më gjerë.
Organizimi i Festivalit do të shërbejë për të krijuar dhe një garë artistike vlerash, ku secila trupë do të pasurojë më tej traditën teatrore.
Krahas shfaqjeve, gjatë Festivalit Teatror do të zhvillohen debatet krijuese nga artistët pjesëmarrës dhe të ftuar të tjerë, referime për tema të rëndësishme nga specialistë të fushave të ndryshme, biseda e tryeza të rrumbullakta si dhe ëork-shope, që do të shërbejnë për ngritjen profesionale të artistëve dhe njohjen me të rejat nga fusha e teatrit dhe e menaxhimit të tij.
Ceremonia e hapjes do te jete me date 26 Maj 2016 ne Pallatin ne Kultures ” Dhimiter Orgocka”, Maliq ne ora 18.00. Festivali ka përcaktuar edhe çmimet për aktoren më të mirë, aktorin më të mirë, për shfaqjen më të mirë.
Ceremonia e dhenies se Çmimeve do te organizohet ne Katedralen e Korçes, date 31 Maj 2016 pas shfaqjes se aktores Ruse.
