The New York Times dhe Thomson Reuters ndanë Çmimin Pulitzer për fotografinë lajm, gjatë mbulimit të krizës së refugjatëve në Evropë. Ekipi i Times-it ishte i përbërë nga Mauricio Lima, Sergej Ponomarev, Tyler Hicks dhe Daniel Etter. Ky është çmimi i katërt Pulitzer për gazetën në tre vitet e fundit.
Në zemër të hyrjes së Times ishin fotografitë e Ponomarev dhe Limas që tregonin udhëtimin e një familjeje refugjate siriane nga Greqia në Suedi, ku kanë aplikuar për azil. Ponomarev ka fotografuar pjesën e parë të udhëtimit të familjes Majid, përmes Maqedonisë në Serbi, ndërsa Lima i ka ndjekur ata nga Beogradi, Serbi deri në Trelleborg, Suedi. Në total, fotografët i kanë shoqëruar ata për 40 ditë me tren, autobus dhe anije, por më shpesh në këmbë.
Michele McNally, një asistente menaxhere dhe drejtore e fotografisë në New York Times, tha se çmimi ishte një ripohim i përkushtimit të gazetës ndaj fotografisë, sidomos në sjelljen e shpejtë dhe të komplikuar të lëvizjeve globale.
“Unë kam qenë një foto-redaktore për një kohë të gjatë dhe kjo histori është e rëndësishme për mua, sepse ajo ndikon në të gjithë botën: Amerikë, Evropë dhe Lindjen e Mesme,” tha ajo. “Ajo i prek të gjithë, duke përfshirë ju dhe mua”.
