Aktori shqiptar Blerim Destani ka takuar në Los Angeles një ndër aktorët më të mëdhenj të të gjitha kohërave:Al Pacinon.
Ai ka hedhur foto në Facebook ku sqaron se më në fund ka shtrënguar duart me idhullin e tij, ku thotë se aktori është një person i mrekullueshëm.
Ndërsa në një prononcim për revistën Who Destani pohon se kanë folur rreth kinematografisë.
“Jam shumë i lumtur që pata mundësinë të konsumoja drekë me një ndër idhujt e mi në fushën e kinematografisë. Sigurisht folëm për kinemanë. Kisha shumë kureshtje për të mësuar rreth tij. Njeri i shkëlqyer me zemër të madhe”,thotë Destani, i cili ndodhet në LA për çmimet OSCAR.
