Hafiz Shirazi
O zemër, ti digju se jeta kërkon djegie, mundim.
Kur do që të lutesh, në heshtjen e natës, ia beh një mjerim.
Ti priti, i dashur, qortimet e saj me durim,
Se, ndofta, vështrimi i syve të sjell ty shpëtim!
E fshehta zbulohet njëherësh prej tokës në qiell
Dhe bota, te kup’ e Xhamshidit, të del në kthjellim!
I vdekur ti ishe! Po fryma e saj, kjo frymë e mesisë
Ringjallje të sjell, shtëpinë ta mbush me gëzim!
Gjykatës i egër, dëgjoje Jazdanin e urtë
I kryej ti bëmat e jetës me plot përhirim!
Dremit lumturia, më la, më braktisi!
Ti zgjohu, o shpirt, këndojmë fatihanë n’agim!
Ti rob kaçurrelash të saj, je Hafiz
Fryn erë pranverore, ti zgjohu, pas saj fluturim!
Përktheu: Dalan Shapllo
