Ka ndërruar jetë në moshën 95-vjeçare aktorja e njohur italiane Gina Lollobrigida, një protagoniste e madhe e kinemasë italiane.
Gina Lollobrigida ishte një nga aktoret më të rëndësishme të brezit të saj.
Së bashku me rivalen e saj “të përjetshme” Sophia Loren ajo ndihmoi në krijimin e imazhit të divës italiane, e cila arriti të shndërrohej nga një seks simbol në një yll ndërkombëtar.
Lollo, siç do ta quanin më vonë me dashuri italianët, ishte gjithashtu një “peperino”, një personazh kapriçioz dhe rebel, e cila nuk ishte e kënaqur me konkurrencën e thjeshtë, pavarësisht sa prestigjioze ishte. Qëllimi i saj ishte të ngrihej, të rritej artistikisht.
Në karrierën e saj Lollobrigida është drejtuar nga regjisorë italianë me famë botërore si Vittorio De Sica, Mario Monicelli, Pietro Germi.
E lindur në vitin 1927 në Subiaco, në malet në lindje të Romës, ajo ishte vajza e një prodhuesi mobiljesh. Në vitet e saj të adoleshencës ajo mori disa modele dhe mori pjesë në konkurse bukurie, dhe në vitin 1947 ku rendit e treta në konkursin Miss Italia. Në formularin e saj të hyrjes në atë konkurs, ajo shkroi se kishte një talent për aktrim dhe se donte të bënte diçka serioze me aftësitë e saj.
Pas një sërë rolesh në filmat evropianë, ku u vlerësua me disa çmime, ishte filmi “Beat the Devil” në vitin 1953 me Humphrey Bogart që i solli famë ndërkombëtare dhe miliona admirues.
Në vitin 1999, Lollobrigida kandidoi pa sukses për Parlamentin Evropian duke përfaqësuar demokratët e ish-kryeministrit italian Romano Prodi, por nuk dukej entuziaste.
