Një deodorant, një mikeshë e dehur dhe një ndarje ushqyen krijimin e këngës që e ktheu “grunge” në rrymën kryesore dhe e bëri rrokerin një emër të famshëm.
Shkëndija konceptuale e këngës u ngjiz në një dyqan ushqimesh në Olympia, Washington, në gusht të vitit 1990.
Ndërsa po lëvizte nëpër korridoret e marketit, e dashura e Kurt Cobain, Tobi Vail dhe shoqja e saj e bandës Bikini Kill, Kathleen Hanna, hasën në një kanaçe deodoranti të quajtur “Teen Spirit”.
“Ne të dyja po bënim shaka sepse emri dukej aq qesharak,” tha Hanna për Double J në vitin 2016. “Dua të them, kush e quan një deodorant “Teen Spirit”? Si vjen aroma e adoleshentit? Si një dhomë, dollap me kyç? Si tenxhere e përzier me djersë?” Si era kur vjell mbi flokët e tu në një festë? “
Atë natë, pas disa pijeve të shumta, Hanna po pastronte me hov apartamentin e Cobain kur gjeti një shënues Sharpie dhe shkroi fjalët magjike në mur:
Kurt mban erë si “Teen Spirit”
Cobain më vonë vuri në dukje se ai mendonte se fraza i referohej diskutimit të tyre të hershëm rreth revolucionit të adoleshentëve dhe supozonte, megjithatë me ironi, se ai ishte një figurë frymëzuese.
“E mora atë si një kompliment”, tha ai në “Come as You Are: The Story of Nirvana”.
“Mendova se ishte një reagim ps bisedës që kishim bërë, por në të vërtetë do të thoshte se unë bija erë si deodoranti. Unë nuk e dija që deodorant spray ekzistonte deri disa muaj pasi doli kënga”.
Cobain e shkroi këngën pasi u nda nga e dashura e tij
Pasi Cobain dhe Vail u ndanë në fund të vitit, Cobain i drejtoi zhgënjimet e tij në krijimin e këngëve të reja, duke përfshirë edhe një që do të bëhej hit i padiskutueshëm i bandës. Kishte referenca për gruan ende në mendjen e tij, dikush ” shumë i mërzitur dhe i sigurt në vetvete”, por edhe më shumë brenda imazheve të pazakonta të vendosur përbri, një thirrje për “mbushni armët” dhe “na argëtoni”.
Diku në shtjellën e ideve që vërtiteshin në mendjen e tij, ishte dëshira për të shkruar këngën më të madhe pop, do të pohonte Kurt për Rolling Stone në vitin 1994.
Thuhet se Cobain donte ta quante këtë krijim “Anthem” por “Bikini Kill” e kishte tashmë një këngë me të njëjtin emër. Ndaj Kurt më pas iu drejtua Hannas, e cila ishte e hutuar, por e lumtur të jepte lejen që shkarravitja e saj pas një nate të dehur të përdorej për titullin e këngës.
Edhe pse Cobain po synonte lart, reagimet e hershme nga shokët e tij të grupit nuk ishin inkurajuese. Basisti Krist Novoseliç thuhet se nisi ta lustronte pak tekstin, dhe kur ata filluan të provonin këngën, fillimisht e përbërë nga rifa dhe kori, ai e quajti atë “qesharake”.
Pjesa tjetër pastaj është histori.
Kurt i pyetur shpesh për të folur mbi kuptimin e këngës që i dha atij famë, në përgjithësi pranoi se ishte menduar të ishte një thirrje për armë. “Ka tema revolucionare, por unë nuk e kam në kuptimin e vërtetë të luftës”, tha ai në një intervistë në vjeshtë të vitit 1991. “Apatia e kësaj gjenerate po del jashtë kontrollit. Unë po u lutem të rinjve, ‘Zgjohuni!'”
Pavarësisht nëse ia doli apo jo të shkruante këngën finale të muzikës pop, muzikanti ikonik krijoi pa dyshim një himn që u foli miliona njerëzve, frymëzuar nga një produkt me emër qesharak./ Në shqip gazetapasqyre.al
