Në vitin 1947 Enver Hoxha zhvilloi disa takime në jugun e Shqipërisë. Sipas ish drejtorit të Arkivit të Ministrisë së Brendshme, kjo ishte vizita e tij e parë si kryeministër i vendit duke u ndalur e mbajtur fjalime në qytete të ndryshme. Bashkëlidhur ai jep dy fotografi, tribuna dhe populli që dëgjon komandantin. Vështrimi popullor, i një turme që përzihet me ushtarakë të shumtë (oficerë Sigurimi), është shumë interesant. Shihet padije, ligësi dhe kuriozitet. Kjo është psikologjia që lexohet te fotoja e poshtme. Sigurisht, portreti i mareshalit Tito, që në atë kohë cilësohej “miku më i shtrenjtë i popullit shqiptar” shoqëron çdo takim të E.Hoxhës me popullin.
