“Sa ësht e bukurë gjuha shqip! E sa ësht’ e lehtë më të shkruar’ e më të kënduarë! Është shumë turp, të mos dijë shqipëtari gjuhën e ti, e të mos e këndonj’e ta shkruanjë”
Më 7 mars 1887 u çel në Korçë shkolla e parë në territorin e Perandorisë Osmane ku mësimi bëhej vetëm në gjuhën shqipe. Arkivi i Shtetit, kujton se përpjekjet për çeljen e një shkolle të tillë ishin bërë që më herët, prej gjithë atyre Rilindasve të shek. XIX që punonin në dobi të gjuhës shqipe dhe kombit. Një prej teksteve të përgatitur prej Naim Frashërit ishte “E këndimit çunavet këndonjëtorja”, njohur dhe si “Këndonjëtorja” (libri i “Leximit”). Në foto: fletë nga “Këndonjëtorja” e Naim Frashërit, shtypur në Bukuresht më 1886. Foto: AQSh.]
