Shkrimtarja marokene e cila jeton në Francë, Leila Slimani, ka fituar çmimin Goncourt – çmimin më të madh letrar në Francë.
Shkrimtarja ka marrë çmimin sot për librin “Chanson Douce”, një triller që nisë me vrasjen e dy fëmijëve nga një dado. Mbi 76 mijë kopje janë shitur tanimë dhe libri është kthyer në një bestseller në Francë.
Shkrimtarja është ish-gazetare për Jeune Africe, një gazetë franceze e lajmeve mbi Afrikën. Ajo është vetëm 35 vjeçare, e zonja në punën e saj.
Slimani u fut fuqishëm në botën e letërsisë në vitin 2014-të kur botoi “Dans Le Jardin de l`Ogre”, mbi gratë dhe seksin në periferitë e Parisit.
Në të kaluarën, çmimin Goncourt e kanë marrë Patrick Modiano, Michel Houllebecq e Pierre Lemaitre, mes të tjerëve.
